Avokati maqedonas: Duhet të amnistohet edhe Grupi i Kumanovës (Video)

Avokati maqedonas nga Shkupi, Jovan Joanidis për TV21 ka deklaruar se nuk është kundër amnistisë, por është kundër amnistisë selektive. Ai thekson se kjo më tepër i përngjan pazarit politik,
me të cilin rrënohet sundimi i drejtësisë dhe puna e gjykatave dhe prokurorisë.
Siç thotë ai, nëse është miratuar ligj për amnistimin e personave të dënuar për terrorizëm, duke aluduar për pjesëmarrësit e ngjarjeve të 27 prillit. atëherë pse të mos amnistohen edhe pjesëtarët e Grupit të Kumanovës, transmeton Gazeta Lajm, të cilët poashtu akuzohen për terrorizëm.
Deklaratën e plotë mund ta përcillni në videon më poshtë:

Posted on

Veprim i pamatur i një shoferi, rrezikon jetën e pjesëmarrësve në komunikacion (Video)

Shkeljet e rregullave në komunikacion janë shkaktarë të aksidenteve të shumta në rrugët e Kosovës.

Një qytetar ka regjistruar një rast, kur shoferi i një automjeti të tipit “Audi” e humb durimin në kolonën e krijuar në njërën nga rrugët tona dhe vendos ta ndërrojë shiritin e lëvizjes, përcjell Telegrafi.

Për ta bërë një gjë të tillë, ai shkel rregullat dhe rrezikon pjesëmarrësit e tjerë në komunikacion duke kaluar në korisnë e automjeteve që po lëviznin në anën e kundërt.

Posted on

Arrestohen 19 valltare dhe pronari në “Apla Mare” në Negotinë

Pjesëtarët e policisë nga Sektori për punë të brendshme Tetovë- Stacioni policorë Gallatë, sot (27-dhjetor) prej ora 01.00-03.00 kanë realizuar kontroll aksion në objektin hotelerik ,,Alpa Mare,, pronë e 50-vjeçarit F.T. nga Negotina e Pollogut.

Gjatë kontrollit, në objekt janë ndaluar 19 femra, të moshës 21 deri 37 vjeçare, të cilat si këngëtare dhe valltare i kanë zbavitur të pranishmit në lokal, janë privuar nga liria, dhe janë mbajtur në Stacionin policorë Gostivar, deri në zbardhjen e plotë të rastit.

Bashkë me to, është privuar nga liria edhe pronari i objektit, si dhe M.S. 36 vjeçar dhe H.A. 32-vjeçar nga Negotina e Pollogut, të cilët kanë tentuar t’i pengojnë pjesëtarët e policisë, në realizimin e këtij kontroll-aksioni. Njëra nga valltaret ka deklaruar në polici se pronari e ka mbajtur me dhunë në punë, po merren masa pe4r zbardhjen e rastit!

Posted on

SKANDALOZE: Hendbollisti maqedonas braktisë ceremoninë për sportistin më të mirë, sepse u fol shqip!

Hendbollisti i klubit të Vardarit dhe përfaqësueses së Maqedonisë, Stojançe Stoilov ka braktisur ceremoninë e zgjedhjes së sportistit të vitit në Maqedoni nga Agjencia për Rini dhe Sport, vetëm pse u përdor dygjuhësia dhe u fol në gjuhën shqipe.

Ai ishte fituesi i çmimit të vitit të kaluar “Sportisti më i mirë në Maqedoni”. Stoilov ka reaguar pasi që ka hasur që po përdoret gjuha shqipe nga një sportist shqiptar nga shkollat e mesme të Tetovës, për shpalljen e shkollës më të mirë në lëminë e sportit gjatë 2018. “Ndjehem i turpëruar dhe i nënçmuar”, ka thënë hendbollisti i Klubit të hendbollit “Vardar”, i cili këtë porosi e ka përcjellë në viber grupin e hendbollistëve të përfaqësueses së Maqedonisë. Deri tani sjellja e këtij sportisti nuk është dënuar nga ana e organizatave të sportit dhe Agjencia për Rini dhe Sport, e cila ishte organizatore e kësaj ngjarje sportive të fundvitit.

Posted on

Qyteti i Shkupit përfundimisht me tramvaj, linja e parë nga Gjorçe Petrov deri në Lisiçe

Qyteti i Shkupit po analizon mundësitë për ndërtimin e tramvajit në Shkup, me qëllim të përmirësimit të transportit publik dhe komunikacionit në përgjithësi. Krye komunari Petre Shilegov ka deklaruar se linja e parë që do të ndërtohet do të shtrihet nga lagjja Lisiçe deri në Gjorçe Petrov dhe do të kushtoj 15 milion euro.

Shilegov beson se vitin e ardhshëm do të filloj realizimi i këtij projekti, i cili do të përkrahet nga fondet evropiane dhe nga qeveria, transmeton sdk.mk

“Që nga vizita e parë në Zagreb, në janar, me kryetarin e Zagrebit Milan Bandiq kemi biseduar rreth mundësisë për ndërtimin e një tramvaji. Gjatë kësaj periudhe kam analizuar përvojat e Zagrebit, Vjenës dhe Parisit, me qëllim që të fusim transport publik hekurudhor në Shkup, duke e pas parasysh se bëhet fjalë për një çështje shumë komplekse. Në Qytetin e Shkupi ekzistojnë studime për këtë çështje që nga koha kur kryetar ishte Trifun Kostovski, por kjo nuk paraqet bazë mbi të cilin do bëhej ekzekutimi i këtij projekti. Prandaj duke i pas parasysh raportet e mira me përfaqësuesit e Zagrebit, ndërmarrjet e tyre publike transportuese dhe teknike disa herë kanë vizituar Shkupin, dhe kanë analizuar studimin ekzistues dhe të trasesë kah do të lëvizte ky tramvaj. Bëhet fjalë për fazën e parë me një linjë nga Lisiçe deri në Gjorçe Petrov.”, – ka deklaruar Shilegov.

Posted on

Sasho Mijallkov lirohet nga paraburgimi!

Informacionet e fundit në Maqedoni flasin se së shpejti, sonte ose më së voni deri nesër pritet që të lirohen nga paraburgimi Sasho Mijallkov, Mile Janakievski, Kiril Bozhinovski, Orce Kamçev dhe Cvetan Pandelevski, si dhe politikanë e biznesmenë të tjerë të njohur, raporton Almakos.

Zyrtarisht gjykata e njësisë së Shkupit nuk është prononcuar se përse është marrë një vendim i tillë, ndërsa përflitet për një ujdi mes qeverisë me opozitën në këmbim të votave për ndryshimet kushtetuese./Almakos

Posted on

Shqiptari zgjidhet polici më i mirë në Kumanovë

Komuna e Kumanovës edhe këtë vit përzgjodhi policin dhe zjarrëfiksin më të mirë për vitin 2018.

Si policë më i sukseshëm është zgjedhur shqiptari Asllan Ajeti nga shërbimi për siguri në komunikacion, kurse zjarrëfiski më i mirë është zgjedhur Sasho Ilievski.

Mirënjohjet dhe dhuratat u ndanë nga kryetari i komunës, Maksim Dimitrievski, i cili foli fjalë miradie për të gjithë të punësuarit në këtë shërbime zyratare.

Ai tha se, falë punës së tyre qyteti i Kumanovës është ndër komunat më të sigurta në Maqedoni.

Polici shqiptar tha se kjo mirënjohje do të jetë një motiv më i madh për detyrat e tij të mëtutjeshme dhe këtë do ta ndjejnë më së miri qytetarët e Kumanovës.

Posted on

Nga 1 janari ligj i ri për tregjet e gjelbra në Maqedoni, do të duhet të pajisen me licenca

Nga 1 janari i vitit 2019 tregtarët do të duhet të fillojnë të furnizojnë me licenca, sipas zbatimit të Ligjit për tregje të gjelbra, me çka do të mund ta zgjidhin problemin dhe statusin e tyre dhe do të mundet lirshëm pa kurrfarë pengesa të vazhdojnë të punojnë në tregjet e gjelbra, bëri thirrje kryetari i Odës së tregtarëve të Maqedonisë, Ekrem Dolek.

Licenca një tregtar për një tezgë për një vit do t’i kushtojë 60 euro në kundërvlerë të denarit, ndërsa për tezgën e dytë, të tretë dhe çdo të ardhshme 40 euro shtesë.

“Megjithatë, këtu ka problem dhe kërkesa përcjellëse që në bashkëpunim me institucionet shtetërore duhet t’i zgjidhim. Kërkojmë bashkëpunim të plotë nga ana e organizatorëve të tregjeve, për shkak se dhënia e licencave është proces i madh që duhet të zhvillohet me bashkëpunim të përbashkët mes organizatorëve të tregjeve dhe Odave të tregtarëve. Për shembull, licencë mund të na kërkojë një person që punon në tregun në Manastir, Prilep dhe Ohër, ndërsa ne do të duhet t’i lëshojmë, edhe pse nuk kemi sigurt nëse ky person posedon tezgë në tregun e caktuar. Për këto shkaqe është i rëndësishëm bashkëpunimi me organizatorët e tregjeve”, deklaroi Dolek.

Ai informoi se në takimin me kryeministrin Zoran Zaev, që do të mbahet në kohën më të afërt, do të kërkojë që Qeveria të formojë trup koordinues që do të ketë ndikim mbi inspektimin tregtar, inspektimet lokale dhe me Ministrinë e Punëve të Brendshme për zgjidhje të problemit me shitësit ambulantë në territorin e gjithë shtetit.

“Ata që punojnë 20-30 vite në tregje dhe deri më sot nuk kanë asnjë ditë stazh, ndërsa me këtë ligj do të kenë beneficion të madh, respektivisht do të kenë siguri sociale për nesër që mund të marrin pension”, deklaroi Dolek.

Pensionistët, sipas tij, që të kenë stazh do të duhet të paguajnë nga 2.000 denarë në vit, sepse ata si Odës kanë arritur t’i vendosin në tarifë më të lirë bujk-individ.

Posted on

Muzafer Bajram dhe Elvin Hasan janë dy ministrat e rinj pa resor

Sot pasdite Kuvendi me propozim të Qeverisë ka emëruar në postin e ministrave pa resor Muzafer Bajram dhe Elvin Hasan.

Bajram do të shërbejë si ministër pa portofol për zbatimin e strategjisë për përmirësimin e gjendjes së romëve në Maqedoni, kurse Elvin Hasan do të shërbej si ministër pa portofol përgjegjës për investimet e huaja.

Bajram dhe Hasan do ta zënë vendin e Adnan Qahil dhe Aksel Ahmedovski, të cilët poashtu në seancën e sotme u shkarkuan nga postet e njëjta të ministrave pa resor.

Zoran Zaev në arsyetimin e shkarkimeve, tha se kjo nuk bëhet nga ndikimet partiake, por është vendim i përbashkët i partnerëve të koalicionit./Telegrafi/

Posted on

Incident me armë në fshatin Nakushtak të Likovës

Dje pas mesdite në fshatin Nakushtak të rajonit të Likovës ka ndodhur një incident me armë.

Pas një mosmarrëveshje për cështje të papastruara, A.M (31) ka nxjerrur armën dhe ka gjuajtur në dejtim të A.M (35). Fatmirësisht nuk ka arritur të qëlloj, por i njëjti akt nga organet policore është llogaritur si tentativë për vrasje.

Sulmuesi pasi nuk ka arritur ta qëlloj ka hipur në veturën e tij me targa të Shkupit dhe ka ikur nga vendi i ngjarjes.

Prokurori Publik nga SPB në Kumanovë ka dalë në vendin e ngjarjes, ndërsa thuhet se janë marrë të gjitha masat për zbardhjen e plotë të rastit në fjalë. (INA)

Posted on