December 2, 2022

Kasami porosi ASH-AAA-së: Bllokimin po e bëni për pikë politike

Lideri i Lëvizjes Besa, Bilall Kasami ka folur për bllokimin e opozitës shqiptare në Kuvend.

Vlerëson se bllokimi nuk ka të bëjë me zgjidhjen e problemit të qytetarëve që nuk kanë shtetësi, por që të fitojnë pikë të ulëta politike.

“Nuk ka të bëjë me zgjidhjen e problemit të atyre që nuk kanë shtetësi, por që të fitojnë pikë të ulëta”, tha Kasami, transmeton TV21.

Ai ka treguar, se partia që e udhëheq, ka filluar aktivitete për të mësuar se sa është numri i qytetarëve që nuk kanë shtetësi.

Ndërkaq shpreh gatishmërinë që bashkërisht me opozitën të gjejnë zgjidhje të përbashkët për Ligjin për shtetësi./TV21