December 2, 2022

Macroni i kërkon Kurtit vazhdimin e dialogut me Serbinë

Presidenti i Francës, Emmanuel Macron ka uruar kryeministrin e Kosovës, Albin Kurti për formimin e Qeverisë.

Në urimin e dërguar, Macron ka thënë se zgjidhja e marrëveshjes midis Serbisë dhe Kosovës është një sfidë madhore me të cilën duhet përballje.

Ai tutje ka shtuar se në vitet e fundit është bërë përparim i rëndësishëm në dialogun që autoritetet kosovare kanë zhvilluar me Beogradin nën kujdesin e BE-së.

“Shpresoj që ju ta vazhdoni këtë dialog në këtë mënyrë që të arrini një marrëveshje gjithëpërfshirëse, përfundimtare dhe ligjërisht të detyrueshme, e cila është një nga kushtet për afrimin evropian të Kosovës sikurse të Serbisë. Të jeni të sigurt që do ta keni mbështetjen time të plotë”, ka shkruar ai./Koha.net

A.B.