December 9, 2022

Kosovë, Vjosa Osmani merr detyrën e Presidentes me ceremoni shtetërore

Me ceremoni shtetërore e ka nisur ditën e parë të punës presidentja Vjosa Osmani. Në ceremoni Osmani u shoqërua nga bashkëshorti dhe dy vajzat.

Presidenca ka njoftuar se për shkak të pandemisë nuk është organizuar një ceremoni inaugurimi, megjithatë, janë paraparë disa aktivitete për pranimin e detyrës.

Presidentja, në ditë e parë të punës do të presë sot në takim ekipin e xhudistëve kampionë, nxënësit e Institutit ATOMI dhe do të vizitojë qendrën e vaksinimit.

Gjithashtu, Osmani do të bëjë homazhe në Prekaz dhe pranë varrit të ish-presidentit Rugova.

A.B.