Nga një trajner portugez në tjetrin. Milan do të mbështetet te Sergio Conceiçao deri në fund të sezonit pas përfundimit të aventurës së Paulo Fonseca. Trajneri i ri i kuqezinjve mbërriti dje pasdite në Milano dhe më pas shkoi në Milanello, ku gjeti drejtuesit dhe të gjithë ekipin duke e pritur.
Po dje pasdite ai drejtoi seancën e parë stërvitore. Në fund të stërvitjes ai foli për herë të parë si trajner i Milan: “Jam krenar për këtë aventurë. Emocioni është i përkohshëm sepse duhet të punojmë dhe ne duhet të kemi një zemër të ngrohtë dhe një mendje të freskët për të punuar sa më shumë që të jetë e mundur”.
“Duhet të jemi në gjendje të fitojmë sa më shumë ndeshje, kjo është ajo që ne duam. Të mos harrojmë se ne përfaqësojmë një klub të madh në nivel botëror dhe duhet të jetojmë sipas këtij klubi të madh
“Nuk kemi shumë kohë, por ky nuk është absolutisht asnjë justifikim. Unë duhet, me kohën që kam në dispozicion, të punoj sa më shumë që të mundem në mënyrë që lojtarët të kuptojnë se çfarë duhet të bëjnë në nivel individual për të qenë një skuadër e fortë në çdo ndeshje”, shtoi trajneri portugez.
“Nuk ka rrugë tjetër sepse do të kemi shumë punë për të bërë dhe me organizimin që kemi, me cilësinë që kanë lojtarët, mund të bëjmë gjëra të mira këtë vit. Fjalët janë fjalë dhe unë duhet ta demonstroj me fakte dhe me rezultate se çfarë mund të arrijë kjo skuadër”, shtoi Conceicao.
Në fund, ai tha: “Duhet të ketë shumë punë nga të gjithë, jo vetëm nga lojtarët, por edhe nga stafi. Ne jemi këtu për të punuar dhe për tifozët. Kjo do të thotë të punosh shumë për të qenë një ekip fitues dhe i denjë për këtë klub të madh që është Milan”.
The post Conceiçao jep deklaratën e parë si trajner i Milan: Nder të drejtoj një klub të madh, ja çfarë na duhet appeared first on Telesport.