Barcelona ka vënë syrin te mesfushori i Almerias, Dion Lopy, sipas Fichajes.net.
Senegalezi ka qenë shumë mbresëlënës për skuadrën e La Liga 2, të cilët tani janë favoritët për të fituar promovimin në nivelin më të lartë të futbollit spanjoll këtë sezon.
Klubi nga Andaluzia kryeson kategorinë e dytë, me 12 fitore dhe vetëm katër humbje në 23 ndeshjet e tyre deri më tani.
Një nga arsyet kryesore të kësaj ecurie pozitive të skuadrës ka qenë Lopy, paraqitjet e të cilit kanë bërë tashmë që shumë klube të interesohen për të.
Mes kërkuesve të 22-vjeçarit janë edhe katalanasit.
Gjigantët e La Liga janë veçanërisht të kënaqur me aftësinë e lojtarit për të kombinuar punën mbrojtëse me inteligjencën taktike, që është një profil që ata kërkojnë.
Barcelona ende nuk ka nënshkruar një zëvendësues të duhur për Sergio Busquets, i cili u largua nga klubi në verën e vitit 2023.
Ndërsa katalanasit kanë Marc Casado në skuadër dhe Marc Bernal në stol, ata janë joshur nga aftësitë e Lopy.
Lojtari ka shënuar një gol dhe ka dhënë dy asiste në 23 ndeshje në të gjitha kompeticionet për skuadrën e Almeria-s dhe kontrata e tij është deri në vitin 2029.
The post Barcelona, pasardhësi i Busquets mund të vijë nga La Liga 2 appeared first on Telesport.