Në një konferencë për shtyp pas disfatës së rëndë kundër Real Madridit që eliminoi Manchester Cityn nga Champions League, Pep Guardiola foli për formën aktuale të skuadrës së tij: “Ekipi më i mirë fitoi dhe ne patëm një sezon të keq. Nuk kishim ritmin që kishte Real Madridi në çdo pjese të fushës. Ata ishin më të mirë se ne”.
Keni pasur një ndjenjë pafuqie? “Nuk është çështje impotence. Ne jemi një skuadër me personalitet, por kemi humbur konsistencën. Dhe kur një ekip është më i fortë, duhet t’i përgëzoni. Ne kemi bërë diçka historike në Angli për shumë vite, tani duhet të mendojmë vetëm për të hyrë në top katërshe.”
A është ky fundi i një cikli? “Unë do të thosha pak po… Gjërat nuk janë të përjetshme, jo gjithçka zgjat përgjithmonë. Ne kemi fituar gjashtë Premier League në shtatë vjet dhe në Evropë kemi arritur në çerekfinale, gjysmëfinale ose finale çdo vit.”
A ke forcë për të vazhduar? “Po, unë kam forcën për të vazhduar.”
Situata e Haaland? “Ai u përpoq të stërvitej, por kishte dhimbje edhe vetëm duke ecur apo duke zbritur shkallët. Më tha se nuk ndihej mirë. Por e përsëris, nuk është çështje e Haaland, Real Madrid e meritoi të fitonte.”
A nevojitet një rithemelim? “Ne do të kemi kohë për të menduar për këtë. Në të kaluarën ne kemi qenë jashtëzakonisht të jashtëzakonshëm, por jo tani.”
Është viti i parë në të cilin nuk kemi luajtur një Ligë të madhe të Kampionëve, duhet ta pranojmë dhe të luftojmë për t’u rikthyer më të fortë sezonin e ardhshëm”.
Për të ardhmen e Cityt në Evropë, trajneri shtoi: “Nuk e di nëse kjo është pyetja e duhur për momentin. Për të fituar Ligën e Kampionëve duhet së pari të kualifikoheni dhe më pas të kaloni të gjithë procesin. Ne kemi qenë me fat që jemi në këtë kompeticion për kaq shumë vite, e fitojmë një herë dhe shkojmë në finale. Këtë vit nuk kemi qenë mjaft afër, do të shohim se çfarë do të ndodhë në të ardhmen.”
Në një intervistë tjetër, për Movistar+, Guardiola hodhi poshtë çdo dyshim për largimin: “Do te qendroj ketu te Manchester City”.
The post Guardiola: “Po, ndoshta ka përfunduar një cikël. Haaland? Ai nuk mund të zbriste as shkallët. E ardhmja ime dhe e Cityt…” appeared first on Telesport.