Përpjekjet e Kinës për të nxitur shpenzimet e konsumatorit kanë nisur fuqishëm këtë vit, me masat e subvencionimit të qeverisë që nxisin një kërkesë në rritje për produktet digjitale, njoftoi Ministria e Tregtisë, citon “Xinhua”.
Që nga fillimi i programit më 20 janar, më shumë se 42 milionë konsumatorë kanë aplikuar për subvencione për blerjen e telefonave inteligjentë dhe pajisjeve të tjera dixhitale, duke rezultuar në shitje totale prej 66.95 miliardë juanë (rreth 9.33 miliardë dollarë amerikanë) deri të martën, sipas të dhënave nga ministria.
Në dy muajt e parë të vitit, shitjet me pakicë të pajisjeve të komunikimit arritën në 159.4 miliardë juanë, duke u rritur me 26.2 për qind në baza vjetore, sipas Zyrës Kombëtare të Statistikave.
Kjo normë rritjeje ishte 10 pikë përqindje më e lartë se e njëjta periudhë e vitit 2024 dhe tejkaloi të gjitha kategoritë e tjera kryesore të mallrave të konsumit.
Kina zbatoi programin e subvencionimit si pjesë e përpjekjeve për të rritur konsumin e brendshëm. Sipas planit, konsumatorët që blejnë telefona inteligjentë, tabletë, ose orë inteligjente me çmim nën 6000 juanë për artikull kanë të drejtë për një subvencion që mbulon 15 për qind të çmimit të shitjes, deri në një maksimum prej 500 juanë për artikull.
Programi vlen si për markat vendase ashtu edhe për ato të huaja.