Vendimi i Gjykatës Administrative për anulimin e zgjedhjes së Elizabeta Dukovskës si gjyqtare kushtetuese do të prodhojë pasoja juridike, ka deklaruar kryetari i Gjykatës Kushtetuese, Darko Kostadinovski. Ai ka shtuar se, megjithatë, kjo çështje nuk është pa mundësi për diskutim dhe se do të pritet të shohim edhe mendimin e shkencës dhe profesionistëve. Kostadinovski ka theksuar se, nëse është e nevojshme, Gjykata Kushtetuese mund të shprehet eventualisht për këtë çështje në të ardhmen. I pyetur se si do të reflektojë ky vendim dhe çfarë masash janë marrë, ai ka theksuar se kjo situatë është cilësuar si një “precedent juridik.”
“Kjo do të thotë se edhe mes gjyqtarëve kemi qëndrime të ndryshme për atë se çfarë do të thotë kjo për gjyqësinë kushtetuese. Unë kam qëndrimin tim, por do të përmbahem sepse për momentin është në fuqi qëndrimi që e kemi marrë dje dhe duhet të qëndroj në atë qëndrim si gjyqtar”, tha Kostadinovski