Kryeministri i Republikës së Kosovës, Albin Kurti, priti në një takim miqësor Kryetarin e Kuvendit të R.M.V Afrim Gashi, në prani të Kryetarit të Kuvendit Glauk Konjufca, Ministres së Drejtësisë Albulena Haxhiu dhe z. Avni Dehari. Gjatë takimit u diskutua për zhvillimet politike në rajon, çështje me interes të përbashkët dhe u theksua rëndësia e bashkëpunimit ndërinstitucional mes dy vendeve. Palët nënvizuan përkushtimin për avancimin e projekteve strategjike që lidhin Kosovën dhe Maqedoninë e Veriut, duke vlerësuar atmosferën konstruktive të bisedimeve.
“Diskutuam për zhvillimet politike në rajon, çështjet me interes të përbashkët dhe theksuam rëndësinë e bashkëpunimit të ndërsjellë ndërmjet institucioneve të dy vendeve tona. Gjithashtu, nënvizuam përkushtimin për avancimin e projekteve strategjike që i lidhin shtetet tona,” njoftoi Afrim Gashi, Kryetar i Kuvendit të RMV.
Takimi u cilësua si një hap pozitiv drejt thellimit të marrëdhënieve mes dy vendeve, me fokus në projekte konkrete dhe koordinim rajonal.
The post Kryeparlamentari Afrim Gashi takim miqësor me Albin Kurtin appeared first on Alsat.