Zgjedhjet lokale nuk do të jenë dera për BDI-në që të hyjë në Qeveri, intrigat nga Zajasi dhe Reçica e Vogël nuk do të kalojnë – po përgatitet një plan sekret për të shkatërruar procesin zgjedhor, thotë kryeministri Hristijan Mickoski, i cili tha në një aktivitet të partisë së VMRO-DPMNE-së se është koha të zbulohet “e vërteta rreth lojërave të errëta që po përgatiten prapa skenave”. Sipas tij, LSDM dhe BDI kanë një skenar të menduar mirë dhe të koordinuar për kaos, mjegull politike dhe manipulim.
“Me inflacionin e kandidaturave të pavarura dhe listave fantazmë, ata duan të shkatërrojnë qëllimisht procesin zgjedhor. Të ngatërrojnë votuesin dhe të luajnë me demokracinë dhe të turbullojnë pamjen e qartë të humbjes së tyre historike që po vjen. Por pas kësaj loje nuk janë vetëm selitë e partisë. Për këtë qëllim, shteti i thellë i LSDM dhe BDI dhe njerëzit e tyre janë të shpërndarë në gjyqësor, komisionin zgjedhor dhe institucione. Sot ata janë në një koalicion për të parandaluar humbjen që VMRO-DPMNE dhe koalicioni do t’u sjellë atyre në zgjedhjet lokale”, tha Mickoski.
The post Mickoski: LSDM dhe BDI kanë një plan të fshehtë për kaos në zgjedhje appeared first on Alsat.