Vajza e këngëtares Eli Fara, Roxhensa Kapurani 39 vjeç, e njohur si Marina Fara, u arrestua ditën e djeshme në zonën e Vorës, pasi gjatë kontrollit i gjetën një sasi kokainë në makinë.
Fillimisht u raportua se sasia e kokainës ishte 4.4 gramë të cilën Fara e kishte fshehur në portofol. Gjykata e Tiranës ka vendosur sot që Marina Fara të mbahet në arrest shtëpie.
Ndërsa këngëtarja ka zgjedhur të mos reagojë drejtpërdrejt për këtë situatë, ajo është shfaqur e rezervuar, duke qëndruar në heshtje.
Megjithatë, në rrjetet sociale Eli ka ripostuar një foto teksa shfaqet me Aurela Gaçen, një veprim që ka nxitur shumë komente dhe diskutime në rrjet.
