Edhe pse Bashkimi Evropian ka një shkallë të lartë papunësie, punëdhënësit po përballen me një paradoks: më shumë se një milion vende pune mbeten të paplotësuara. Sipas të dhënave të Eurostat, deri në 2.1% të të gjitha vendeve të punës në BE mbetën të lira në tremujorin e dytë të vitit 2025. Problemi kryesor nuk është mungesa e njerëzve, por mungesa e punëtorëve të kualifikuar, raportoi Kamatica.
Numri më i madh i vendeve të lira të punës është në vendet më të zhvilluara evropiane. Gjermania është lider me mbi një milion vende të lira pune, e ndjekur nga Mbretëria e Bashkuar (780,000) dhe Franca (504,000). Nga ana tjetër, në vende si Rumania (0.6%), Spanja dhe Polonia (0.8%), numri i vendeve të lira të punës është dukshëm më i ulët.
Është interesante se, pavarësisht se Spanja regjistron një numër të madh emigrantësh, ajo ka dukshëm më pak vende pune të lira sesa Gjermania. Kjo sugjeron që tendencat e migrimit nuk ndjekin gjithmonë nevojat e tregut të punës.
Arsyeja kryesore për këtë çekuilibër është mungesa e aftësive midis punëtorëve. Një anketë nga Manpower Group tregon se deri në 75% e punëdhënësve evropianë nuk mund të gjejnë punonjës me kualifikimet e duhura. Ky është një rritje e madhe krahasuar me periudhën pesë vjet më parë dhe tregon qartë se vendet e punës të së ardhmes janë tashmë këtu, por mungon fuqia punëtore me njohuritë e nevojshme.
Mungesa më e madhe e fuqisë punëtore të kualifikuar vërehet në vendet veriore dhe perëndimore të Evropës. Edhe pse Komisioni Evropian po punon për politika të reja punësimi, të dhënat tregojnë qartë se sfida kryesore është në përputhjen e njohurive dhe aftësive të punëtorëve me kërkesat e tregut modern të punës.
The post Gjermania ka nevojë për më shumë se një milion punëtorë appeared first on Alsat.