Nga Ministria e Punëve të Brendshme njoftojnë se në pikë kalimin Deve Bair, janë arrestuar dy shtetas turq, për shkak të falsifikimit të Kartonit të Gjelbër, transmeton TV21.
“Më 02.09.2025 në orën 20:10 dhe më 03.09.2025 në orën 00:10 në Pikën Kufitare Deve Bair, në hyrje të vendit, oficerët e policisë privuan nga liria Sh.A. (46) dhe J.K. (39), të dy nga Republika e Turqisë. Gjatë kontrollit kufitar dhe kontrollit të një kamioni “DAF” me gjysmërimorkio me targa kombëtare turke, të drejtuar nga Sh.A., u përcaktua se kartat e gjelbra ndërkombëtare, të cilat ai i paraqiti për inspektim, ishin të falsifikuara. Gjithashtu, gjatë një kontrolli kufitar dhe të kamionit Renault me targa kombëtare turke, i drejtuar nga J.K., u përcaktua se ai kishte paraqitur për inspektim Kartonin e Gjelbër të falsifikuar. Ata u ndaluan në stacion policor dhe pas dokumentimit të plotë të rastit, kundër tyre do të ngrihen akuza përkatëse”, thonë nga MPB.
