Pas ndeshjes ndaj Islandës, ku shënoi gol dhe asistoi për fitoren e Francës, Kylian Mbappé foli mbi karrierën e tij, presionet dhe ndikimin e pasurisë në jetën personale: “A kam të drejtë të dështoj? Jo, por pikërisht kjo më bën të vlerësuar. Gjithmonë dua të fitoj, jam shumë kërkues ndaj vetes, më tepër se shumica e njerëzve”.
Sulmuesi i Real Madridit theksoi lidhjen mes parave dhe sfidave personale: “Sa më shumë para ke, aq më shumë probleme të dalin rrugës. Njerëzit duan të të kujtojnë si fëmijë, por ti nuk je më ai. Ke përgjegjësi, punë dhe llogari për të dhënë”.
Mbappé shtoi rëndësinë e mbështetjes në këtë rrugëtim: “Është bukur të rritesh dhe të arrish lart me të njëjtën familje, ose bazë besimi, por ndonjëherë marrëdhëniet nuk funksionojnë dhe duhet të kesh guximin ta pranosh. Jam fatalist për futbollin, por jo për jetën. Jeta është e mrekullueshme, futbolli është ai që është. Pa pasionin tim, futbolli do më kishte mërzitur shumë kohë më parë”.
The post Mbappe dhe jeta si kampion: Sa më shumë para ke, aq më tepër probleme të dalin… appeared first on Telesport.