Për 2 dekada televizioni Alsat vazhdon të mbajë primatin e medias më të besueshme në Maqedoninë e Veriut. Të dhënat e fundit të anketës së Institutit Ndërkombëtar Republikan dëshmojnë se Alsat është pa konkurrencë në mesin e mediave në gjuhën shqipe.
Në sondazhin e IRI-it, televizioni ALSAT kryeson me 10 për qind besueshmëri, kundrejt mediave të tjera në gjuhën shqipe me 1 për qind e më pak. Në anketë ndër shqetësimet më të mëdha për qytetarët është kostoja lartë e jetesës dhe drejtimi jo i mirë i shtetit.
66 për qind e qytetarëve korrupsionin e shohin si problem tejet serioz. 56 për qind vlerësojnë se korrupsioni është aq i përhapur dhe i zakonshëm saqë vështirë mund të çrrënjoset.
Në pyetjen: Cilin vend e konsideroni aleatin më të rëndësishëm për vendin, 30 për qind e të anketuarve në Maqedoninë e Veriut janë deklaruar për Serbinë, 17 për qind për SHBA-në, 9 për qind për Rusinë, 8 për qind për Turqinë dhe po aq për BE-në.
Ndërsa në përgjigjen nga pyetja e kombinuar për një udhëheqës botëror dhe rajonal nëse është shumë i favorshëm apo disi i favorshëm, rezulton se në Maqedoninë e Veriut, Kosovë dhe Bosnjë-Hercegovinë presidenti i Turqisë Rexhep Taip Erdoan është më i pëlqyeri, ndërsa në Serbi, presidenti rus Vlladimir Putin dhe në Mal të Zi presidenti kinez Xi Jinping.
Ndërkohë pothuajse në të gjithë rajonin vërehet mbështetje e fortë për anëtarësim në Bashkimin Evropian. Me përjashtim të Serbisë ku mbështetja është dyfish me ulët se sa në vendet e tjera. Anketa e IRI-it për Maqedoninë e Veriut është realizuar në periudhën nga 11 maj deri në 19 qershor të këtij viti me 72 për qind maqedonas dhe 28 për qind shqiptar.
The post Televizioni Alsat vazhdon të jetë pa konkurrencë në plot 2 dekada në mesin e mediave në gjuhën shqipe në Maqedoninë e Veriut appeared first on Alsat.