Komisioni Evropian gjobiti brendet e modës “Guçi”, “Kloe” dhe “Leve” me një shumë të përgjithshme prej mbi 157 milionë euro për fiksim çmimesh gjatë rishitjes, duke shkelur kështu rregullat e konkurrencës të BE-së.
Siç kumtoi Komisioni, hetimi i tij zbuloi se të tre kompanitë kufizuan aftësinë e shitësve me pakicë të pavarur me të cilët bashkëpunojnë për të vendosur çmimet e tyre të shitjes me pakicë onlajn dhe oflajn për produktet e dizajnuara nga “Guçi”, “Kloe” dhe Leve”.
“Një sjellje e tillë anti-konkurruese rrit çmimet dhe zvogëlon zgjedhjen për konsumatorët”, përfundoi Komisioni, duke shtuar se për shkak të bashkëpunimit të kompanive në hetim, vendosi të shqiptojë gjoba më të ulëta se sa ishin parashikuar fillimisht.
Me këtë vendim, “Guçi” u gjobit me 119.674 milionë euro, “Kloe” me 19.69 dhe “Leve” me 18 milionë euro.
Lidhur me gjobat e vendosura, nënkryetarja ekzekutive për Tranzicion të pastër, të drejtë dhe konkurrues, Tereza Ribera, tha se të tre kompanitë u sanksionuan për ndërhyrje në përcaktimin e çmimeve të tregtarëve të pavarur me pakicë.
Në lidhje me gjobat e shqiptuara, nënkryetarja ekzekutive për tranzicion të pastër, të drejtë dhe konkurrues, Tereza Ribera tha se tre kompanitë janë sanksionuar për shkak të përzierjes në caktimin e çmimeve të tregtarëve të pavarur me pakicë.
“Ky vendim dërgon sinjal të fortë në industrinë e modës dhe më gjerë se nuk do të tolerojmë lloj të tillë të praktikave në Evropë dhe se konkurrenca korrekte dhe mbrojtja e konsumatorëve vlejnë për të gjithë në mënyrë të barabartë”, shtoi Ribera.
Sipas saj, të gjithë konsumatorët në Evropë, pavarësisht se çfarë blejnë dhe ku blejnë, meritojnë të përfitojnë nga konkurrenca reale e çmimeve.