Fabio Capello komentoi situatën e ndeshjes së radhës në Serie A mes Napolit dhe Interit: “Diçka gjithmonë të mbetet peng, çelësi është ta transformosh në energji pozitive atë që të lë një ndeshje e Champions-it kaq afër. Për Napolin nuk do të jetë e lehtë”.
Ai u ndal te Napoli i Contes, i cili vjen pas humbjes së rëndë në Eindhoven, si skuadër me shumë pikëpyetje në këtë moment. Ndërsa Interi, pas fitores ndaj Union Saint-Gilloise, është në një moment të madh motivimi, me lojtarët kryesorë të pushuar dhe të fokusuar plotësisht për ndeshjen.
Capello paralajmëroi: “Napoli është në një gjendje delikate, por s’duhet të dekurajohet që në gabimin e parë. Rreziku më i madh për mua është që skuadra të demoralizohet pas një gabimi të vetëm në fushë. Dhe me një Inter të tillë, kjo do të ishte jashtëzakonisht e rrezikshme”.
The post “Napoli s’duhet të dekurajohet që në gabimin e parë. Me një Inter si ky, do të ishte e rrezikshme” appeared first on Telesport.