Kryeministri Hristijan Mickoski tha se është i hapur për të biseduar me të gjithë partnerët e qeverisë për rikonstruktimin e qeverisë pas zgjedhjeve lokale, përcjell TV21. Mickoski tha se rikonstruktimi pritet të ndodhë pas kongresit të VMRO-DPMNE-së, respektivisht pas 6 dhjetorit.
“Rikonstruktim i qeverisë nuk bëhet vetëm që të rikonstruktohet qeveria dhe të themi ja e rikonstruktuam Qeverinë. Para çdo hapi duhet të mendohet mirë, nëse zgjidhja e re kadrovike që do të vinte, do të jetë më mirë se e kaluara, normalisht. Kështu që është proces i analizës serioze. Më herët në përgjigjen e pyetjes së kaluar dhashë përgjigje edhe në këtë pyetje . Tani jemi të fokusuar në kongresin e partisë që do të ndodhë më 6 dhjetor , ndërsa më pas normalisht në suaza të partisë duhet struktura të bëhet dhe paralelisht me atë proces do të mendojmë për lëvizje të caktuara të kuadrove, nëse ka nevojë. Unë jam i gatshëm me të gjithë aktorët në qeveri të ulem, t’i dëgjojë idetë e tyre, por sërish do të them. Mandatar i qeverisë jam unë”, deklaroi Mickoski.
I pyetur nëse është kontaktuar nga ndonjë prej partnerëve të Aleancës Kombëtare për Integrim, me kërkesë për t’u bërë pjesë e qeverisë, Mickoski tha:
“Jo, pas zgjedhjeve mëngjesin e ardhshëm udhëtova në Bruksel, dje në mbrëmje u ktheva, kështu që ky kjo është dita e parë e punës pas zgjedhjeve, tani vijon organizimi, të shohim si do të shkojmë tutje. Deri në këtë koment nuk ka folur me askënd për tema në lidhje me Qeverinë”, shtoi Mickoski./tv21.tv