Sot zhvillohen ndeshjet e radhës në fazën e grupeve të UEFA Conference League.
Shkëndija e Tetovës do të përballet në Shkup me ekipin polak Jagiellonia, në një duel të rëndësishëm për vazhdimësinë e saj në grup. Ndeshja do të zhvillohet sonte me fillim në orën 21:00 në stadiumin “Todor Proeski”.
Ndërkohë, Drita nga Gjilani në Irlandë, do të ndeshet me ekipin vendas Shelbourne. Edhe për gjilanasit kjo përballje ka peshë të madhe në garën për kualifikim. Gjithashtu ndeshja në Dublin do të zhvillohet në orën 21:00. Të dy skuadrat synojnë të marrin rezultate pozitive për të mbajtur gjallë shpresat në fazën e grupeve të Conference League./TV21