Për shembull, në Mbretërinë e Bashkuar, treni Eurostar në linjën HS1 mund të udhëtojë me shpejtësi deri në rreth 300 km/orë, ndërsa shumica e trenave të tjerë janë të kufizuar në rreth 200 km/orë.
Eksperti i sigurisë në trafik, Thomas Barth, shpjegoi për Reader’s Digest pse pasagjerët e trenit nuk janë të detyruar të mbajnë rripa sigurimi.
“Arsyeja kryesore është se rripat e sigurimit nuk janë të nevojshëm, përveç rasteve shumë të rralla”, tha Barth, një ish-hulumtues mbi faktorët e mbijetesës në Bordin Kombëtar të Sigurisë së Trafikut në Autostrada (NTSB) të SHBA-së.
Sipas tij, rreziku i aksidenteve në trena është dukshëm më i ulët sesa në makina dhe aeroplanë.
“Trenat operojnë në kushte të kontrolluara, me profesionistë që mbikëqyrin trafikun dhe ngasin në shina, gjë që është më e sigurt se mjedisi në të cilin operojnë makinat ose aeroplanët. Mjedisi është aq i sigurt sa rreziku vlerësohet si i pranueshëm, pa pasur nevojë për rripa sigurie”, shpjegon Bart.
Në përplasje, trenat sillen ndryshe nga makinat.
“Një makinë që ndalet papritur në një përplasje përjeton forca shumë të mëdha. Një tren është shumë i madh dhe i rëndë dhe përjeton forca shumë të vogla kur përplaset me objekte relativisht të lehta. Sigurisht, në rastin e një përplasjeje ballore midis dy trenave, forcat do të ishin të mëdha, por incidente të tilla janë jashtëzakonisht të rralla”, shpjegon eksperti.
Statistikat konfirmojnë sigurinë e udhëtimit me tren. Sipas Bordit të Sigurisë dhe Standardeve Hekurudhore (RSSB), udhëtimi me tren është më shumë se 20 herë më i sigurt se udhëtimi me makinë në të njëjtën distancë. Në krahasim, ka rreth 20 vdekje për miliard udhëtime me tren, ndërsa ka 117 vdekje për miliard udhëtime me tren. Sa i përket kilometrave të përshkuar, ka 0.6 vdekje për miliard kilometra treni, krahasuar me 0.5 vdekje për udhëtimet ajrore.
The post Pse trenat nuk kanë rripa sigurie? appeared first on Alsat.
