Presidenti i Serbisë, Aleksandar Vuçiq, është vënë në qendër të një sërë akuzash që lidhen me kohën e Luftës së Bosnjës. Sipas pretendimeve, ai dyshohet se ka qenë prezent në disa pozicione ushtarake mbi Sarajevë, ku supozohet se shtetas të huaj të pasur paguanin shuma të mëdha për të qëlluar drejt civilëve gjatë rrethimit të qytetit nga viti 1992 deri më 1996.
Në media janë shfaqur edhe pamje filmike që pretendohet se e paraqesin Vuçiçin në rini, duke udhëtuar me një mjet me katër rrota, ku në pjesën e pasme shihet një kafkë njerëzore e vendosur brenda një helmete blu të përdorur nga paqeruajtësit e OKB-së.
Këto pretendime—të cilat Vuçiçi i ka mohuar kategorikisht—janë bërë publike nga gazetari kroat i investigimit, Domagoj Margetiç. Ky i fundit ka dorëzuar një ankesë në prokurorinë italiane, e cila tashmë po zhvillon hetime mbi dyshimet se shtetas italianë, rusë dhe amerikanë mund të kenë marrë pjesë në të ashtuquajturat “safari snajperësh” gjatë konfliktit në Bosnjë.