Presidenti turk Rexhep Taip Erdogan tha se Turqia po shqyrton sesi mund të vendosë potencialisht forcat e saj të sigurisë në një forcë ndërkombëtare stabilizimi që po planifikohet për Gazën, raportojnë mediat e huaja.
Anëtarja e NATO-s, Turqia, luajti një rol kyç në negociatat për një armëpushim në Gaza, duke u bërë një nga nënshkrueset e marrëveshjes në Egjipt.
Ajo është zotuar të monitorojë zbatimin e saj dhe shprehu dëshirën për t’u bashkuar me forcën e planifikuar të stabilizimit.
Duke folur në një konferencë për shtyp pas samitit të G20 në Afrikën e Jugut, Erdogan përsëriti pikëpamjen e tij se sulmet në Gaza përbënin “gjenocid” dhe se kryeministri izraelit Benjamin Netanyahu ishte përgjegjës për to.
Ndërkohë, Izraeli hedh poshtë akuzat për gjenocid.
Por edhe pse armëpushimi në Gaza është në fuqi, sulmet kanë vazhduar.