Në Komunën e Likovës, operatori i sapoformuar One Konekt ka vazhduar gërmimet ilegale nëpër disa fshatra. Disa banorë kanë dërguar fotografi nga vendi ku eskavatori ka ndërhyrë në disa rrugë, duke shkatërruar inftrastrukturën publike. Komuan e Likovës thotë se Inspektorati Komunal ka dalë në terren dhe po punon për të konstatuar gjendjen faktike.
“Operatori kabllovik “One Konekt” ka vazhduar gërmimet pa leje në Komunë e Likovës. Një ekskavator është parë edhe ditën e diel. Ndërkohë Komuna e Lilivës ka hapur lëndë. Po procedohet konstatimi i shkeljes dhe ndërmarrja e masave ligjore”, raporton Zekirija Haxhiu, Gazetar.
Eskavatori që po shihni në foto është kapur dje në një rrugë të fshatit Mateç. Ekipi jonë inspektoi edhe punimet e realizuara tashmë nëpër fshatrat tjerë të Komunës së Likovës. Kamera jonë kapi gropimet që janë bërë javë më parë nga po e njëjta kompani në mes fshatrave Llojan-Vaksincë dhe Vaksincë-Sllupçan.
Nga kompania vazhdojnë të heshtin. Përmes komunikimeve telefonike në rrethana jo zyrtare na thanë se për të gjitha veprimet e tyre kanë leje përkatëse. Por Komuna e Likovës e ka përgënjeshtruar versionin e tyre. Thonë se në bazë të informacioneve të para, kompania nuk ka leje për gërmim dhe se inspektorët kanë dalë në terren për ta vërtetuar shkeljen e mundshme ligjore. Nga Komuna e Likovës thonë se çdo subjekt është i obliguar ta respekton ligjin dhe si autoritet mbeten të përkushtuar që kjo të respektohet nga të gjithë.
“Inspektoratit të Komunës së Likovës ka dalë në terren për inspektim me qëllim verifikimin e dokumentacionit, lejeve të nevojshme dhe respektimit të procedurave ligjore që kanë të bëjnë me realizimin e punimeve infrastrukturore. Pavarësisht licencimit qendror, çdo subjekt është i obliguar të respektojë edhe procedurat dhe lejet e nevojshme në nivel lokal. Komuna e Likovës mbetet e përkushtuar ndaj: respektimit të ligjeve dhe rregulloreve që kanë të bëjnë me punimet infrastrukturore, dhe mbikëqyrjes së rregullt të të gjitha aktiviteteve të subjekteve që veprojnë në territorin e komunës”, njoftojnë nga Komuna e Likovës.
Kompania në fjalë është themeluar në fund të muajit tetor. Për veprimtarin e saj si operator ka marrë leje transmetimi nga Agjencia për Komunikime Elektronike, por nga Komuna e Likovës nuk ka siguruar asnjë leje për gropim dhe instalim të infrastrukturës përçuese. Jo zyrtarisht operatori i njëjtë ka provuar edhe më herët të hyn ilegalisht në Komunën e Likovës por është ndaluar nga autoritetet lokale dhe organet e rendit. Banorët e disa fshatrave të Likovës janë duke shqyrtuar mundësinë e protestave për shkak të shkatërrimit të infrastrukturës rrugore dhe moskthimin e saj në gjendjen e mëparshme pas ndërhyrjeve në mënyrë ilegale. Për veprimet e kompanisë mësoj se është duke punuar edhe Sektori për Punë të Brendshme në Kumanovë dhe Stacioni Policor në fshatin Mateç. /Alsat.mk