Edhe pse kontrata me Manchester United skadon në qershorin e vitit 2027, Bruno Fernandes duket se do të largohet shumë më shpejt nga Manchester United. Portugezi është i pakënaqur me situatën që po kalon aktualisht te “Djajtë”, ku kritikat për shokët e skuadrës dhe për paraqitjet e ekipit këtë sezon, nuk ka heiztuar t’i thotë edhe publikisht.
Duke qenë se prej vitesh situata te Man. United vazhdon po e njëjtë, pavarësisht ndërrimit të trajnerëve dhe shpenzimeve në merkato, Bruno Fernandes është lodhur dhe po mendon largimin. Ndërkohë, mediet angleze zbulojnë se e ardhmja e portugezit mund të jetë të Bayern Munich.
Klubi bavarez është përfolur edhe më parë për interesimin ndaj mesfushorit portugez, por me situatën e krijuar së fundmi, largimi i Fernandes nga Man. United është më i afërt se kurrë. Sipas këtyre raportimeve, Bayern ka nisur lëvizjet e para për të arritur transferimin e mesfushorit portugez. Oferta e parë e bavarezëve pritet të jetë rreth 50 milionë euro, një shifër e mirëmenduar duke ditur që 31-vjeçari është në kontratë me “Djajtë e Kuq” edhe për një vit e gjysmë.
The post Bruno Fernandes te Bayern Munich? Klubi bavarez bën lëvizjen e parë appeared first on Telesport.