Legjenda e Arsenalit, Thierry Henry, i ka dërguar një mesazh të drejtpërdrejtë trajnerit Mikel Arteta dhe lojtarëve, duke theksuar se rruga drejt titullit nuk pranon justifikime.
Në mes të debateve për mungesat dhe kalendarin e ngjeshur, ish-sulmuesi francez ka nënvizuar se këto janë situata me të cilat përballet çdo ekip dhe se skuadrat kampione dallohen pikërisht nga mënyra se si reagojnë në momente të vështira. “Le të mos flasim për këto gjëra. Të gjithë kanë probleme. Çdo skuadër kalon dëmtime, lodhje dhe vendime të gabuara. Fitues janë ata që gjejnë zgjidhje, jo ata që kërkojnë shpjegime”.
Sipas pjesëtarit të Arsenalit legjendar të “Invincibles”, ankesat vetëm largojnë vëmendjen nga rezultati dhe zgjidhjet reale, ndërsa një skuadër që synon titullin e kampionit tregon forcën e saj të vërtetë pikërisht kur mungojnë lojtarët kryesorë.
Henry ka theksuar se Arteta duhet ta shfrytëzojë maksimalisht thellësinë e skuadrës, të mbajë ritmin me rivalët si Manchester City dhe Chelsea, dhe mbi të gjitha të ndërtojë një mentalitet fitues që nuk fokusohet te aspektet negative.
The post Thierry Henry i jep një paralajmërim trajnerit Mikel Arteta appeared first on Telesport.