Real Madrid pritet të jetë shumë aktiv gjatë verës së ardhshme. “Diario AS” zbulon se përveç rikthimit të Nico Paz dhe brazilianit Endrick, Real Madrid do të bëjë gjithçka për transferimin e Vitinha.
Portugezi është ëndrra e madhe e Florentino Perez. Presidenti i “Los Blancos” e ka vendosur emrin e portugezit në vend të parë në listën e transferimeve të verës së ardhshme.
Sigurisht që transferimi i Vitinha nuk do të jetë aspak i lehtë, duke ditur rëndësinë që portugezi ka te PSG-ja dhe marrëdhëniet aspak të mira mes dy klubeve, pas asaj që ndodhi në rastin e Kylian Mbappe.
Vendimtar në këtë operacion do të jetë dëshira e lojtarit. Në rast se ndodhë ky transferim, do të jetë më i shtrenjti në historinë e Real Madridit dhe një nga më të shtrenjtit në historinë e futbollit. Pak a shumë përflitet për shifrën 130-150 milionë euro
The post Vendos Perez. Pas rikthimit të Nico Paz dhe Endrick, Real Madrid “all in” për yllin 25-vjeçar appeared first on Telesport.