Enti Shtetëror i Statistikave mbetet në qëndrim se regjistrimi duhet të përcaktojë popullsinë rezidente, dmth popullsinë që jeton realisht në shtet. Edhe pse Gjykata Kushtetuese e anuloi Metodologjinë sipas së cilës në regjistrimin e vitit 2021 kishte ndarje të popullsisë rezidente dhe jo-rezidente, nga Enti Shtetëror i Statistikave thonë se vendimi do të respektohet, por përsëri do të numërohen vetëm ata që jetojnë në shtet. Institucionet tashmë punojnë në përgatitjen e regjistrimit elektronik, i cili do të bazohet në bazat administrative të të dhënave. Sipas standardeve statistikore, ligji për regjistrim duhet të miratohet të paktën një vit para realizimit të tij.
“Sipas metodologjisë statistikore, sipas standardeve ndërkombëtare, nuk ka nevojë për ndarje, dmth nuk ka nevojë të përfshihet popullsia jo-rezidente, sepse qëllimi i regjistrimit është përcaktimi i popullsisë rezidente, dmth ajo popullsi që jeton në shtet dhe kjo është edhe definicioni bazë statistikor. Kështu që ne si Ent Shtetëror i Statistikave do ta marrim parasysh rekomandimin e Gjykatës Kushtetuese”, tha Dejan Stankov – drejtor i Entit Shtetëror të Statistikave .
Enti Shtetëror i Statistikave tashmë ka filluar përgatitjet për regjistrimin e ardhshëm të popullsisë, i cili sipas standardeve ndërkombëtare pritet të zhvillohet në vitin 2031. Plani është që regjistrimi të jetë elektronik dhe i bazuar në burime administrative të të dhënave, dmth regjistra që mbahen nga institucionet. Për këtë qëllim është e nevojshme përmirësimi i cilësisë së të dhënave dhe koordinimi midis institucioneve që mbajnë këto baza. Megjithatë, sfidë do të jenë disa baza të të dhënave, si ajo e MPB-së, dhe veçanërisht rastet e personave që kanë shtetësi të dyfishtë dhe qëndrojnë jashtë vendit me ndihmën e pasaportës nga vendet e tjera, ndërsa formalisht regjistrohen se qëndrojnë në vendin tonë sepse nuk është evidentuar dalja e tyre. Sipas drejtorit të Entit Shtetëror të Statistikave, bëhet fjalë për një dobësi të njohur të burimeve administrative, sepse disa nga personat që kanë fituar status rezident jashtë vendit, nuk e raportojnë statusin në Maqedoni.
“Këto dobësi ne i kemi statistikat metodologjike për t’i eliminuar. Prandaj unë them se nuk mund të mbështetemi vetëm në një regjistër administrativ, prandaj ne brenda regjistrit statistik të popullsisë përdorim disa regjistra dhe metodologji statistikore që na mundëson të detektojmë saktë popullsinë rezidente dhe të eliminojmë këto dobësi të veçanta”, pohoi tha Dejan Stankov – drejtor i Entit Shtetëror të Statistikave .
Nga Enti Shtetëror i Statistikave thonë se qëllimi është të vendoset një sistem statistikor që do të mundësojë përcaktim më të rregullt dhe më të saktë të popullsisë, ndërsa institucionet do të duhet të punojnë për përmirësimin e cilësisë së të dhënave administrative.