Komanda më e lartë e përbashkët ushtarake e Iranit ia ka dhënë meritën sistemeve të reja të mbrojtjes ajrore iraniane për rrëzimin e dy avionëve luftarakë amerikanë të premten, sipas agjencisë shtetërore të lajmeve IRNA.
Irani pretendon se ka rrëzuar dy avionë luftarakë amerikanë, një F-15E Strike Eagle që fluturonte mbi jugperëndim të vendit dhe një aeroplan të dytë, A-10 Thunderbolt II i cili ishte përfshirë në një mision për të shpëtuar ekuipazhin e F-15.
Zëdhënësi Ebrahim Zolfaghari thotë se e premtja ishte një “poshtërim” për Shtetet e Bashkuara të Amerikës dhe Izraelin, duke ia atribuuar këtë sistemeve të reja të mbrojtjes ajrore “të prodhuara në vend”, raporton IRNA.
Ai shton se Irani “me siguri do të arrijë kontroll të plotë të qiellit të vendit” ndërsa këto sisteme të reja do të vendosen “njëri pas tjetrit”.
Komanda Qendrore e SHBA-së (CENTCOM) nuk ka konfirmuar detajet rreth rrëzimit të ndonjë avioni.