Qeveria në seancën e nesërme do të aktivizojë mekanizmat mbrojtës për të parandaluar rritje të re të çmimeve të derivatet e naftës. Parashikohet ulje e akcizës për naftën (diesel) për katër denarë, dhe për benzinin për dy denarë. Pa këto masa, të hënën nafta do të ishte më e shtrenjtë për shtatë denarë, ndërsa benzina për 1,5 denar për litër. Çmimet e reja me këtë masë do të jenë plus tre denarë për litër naftë (diesel) dhe benzin 0,5 denarë më i lirë. Por kjo është pa zbritjen e kompanisë OKTA, e cila skadon këto ditë. Aktualisht po diskutohen me këtë kompani për të vazhduar këtë masë.
“Nëse kjo masë vazhdon edhe më tej, do të nënkuptojë se nuk do të ketë rritje për naftën (diesel) nga çmimi maksimal i vendosur nga Komisioni Rregullator, ndërsa për benzinën, po ashtu dy denarë, kjo do të thotë se do të ulet rreth gjysmë denari, dhe nëse OKTA e vazhdon zbritjen prej dy denarësh për litër benzine, atëherë do të kemi sërish 2,5 denarë më të lirë për litër benzine”, tha Hristijan Mickoski.
Kryeministri Hristijan Mickoski vlerësoi se ky vit do të jetë jashtëzakonisht i vështirë. Kriza mund të zgjasë edhe një deri në dy vjet, në varësi të vazhdimit të sulmeve ndaj Iranit, nëse do të ketë ndërhyrje tokësore të kufizuar apo më të madhe, ose nëse nuk do të ketë fare. Ndryshe, kriza ka ndikuar që inflacioni në mars të rritet.
“Por bazuar në ato llogaritjet që bëjmë, sepse i monitorojmë në baza ditore me Inspektoratin Shtetëror të Tregut, presim këtu mes 4 dhe 5 për qind. Kroacia ka raportuar 4,8 diçka të tillë. Pres që edhe ne të jemi afërsisht këtu, të mos shkojmë në shifra dyshifrore”, deklaroi Mickoski.
Për këtë arsye, Qeveria njofton se, përveç masave ekzistuese, do të shqyrtojë edhe mekanizma shtesë për mbrojtjen e standardit të jetesës. Aktualisht është në fuqi norma e ulur e tatimit mbi vlerën e shtuar nga 18% në 10% për derivatet e naftës, ndërsa do të ulen edhe akcizat.
“Vlerësojmë se këto hapa të fuqishëm të parë po japin efektin e tyre. Përveç kësaj, po analizojmë, Ministria e Financave analizon të gjitha produktet bazë ushqimore që janë me 5%, për t’i ulur në 0%, pra praktikisht pa TVSH”, tha ai.
Kryeministri Mickoski theksoi se ulja e akcizave do të ketë një efekt fiskal mbi buxhetin prej disa dhjetëra milionë eurosh, por nënvizoi se gjendja buxhetore është stabile dhe ka hapësirë për ndërhyrje. Ai njoftoi edhe një ribalanc të buxhetit deri në fund të qershorit. Sa i përket furnizimit, shteti ka rezerva të derivateve të naftës për rreth 62 ditë, ndërsa sasi shtesë për rreth 60 ditë ndodhen në tubacionin Selanik – Shkup. Për këtë arsye, nuk ka nevojë për kufizime në furnizimin me karburant. Sipas vlerësimeve, për shkak të çmimeve më të ulëta, konsumi i karburantit nga drejtuesit e automjeteve të huaja ka rritur, duke shkuar në 15% të shitjeve totale të derivateve në Maqedoni nga 10% që ishte gjatë dy javëve të fundit.