Baba i shtatë fëmijëve, Tyson Fury këmbëngul se jeta e tij dashurore po lulëzon me gruan e tij prej gati 20 vitesh, Paris Fury. Boksieri britanik shton se nuk dëshiron të ndalet vetëm te shtatë fëmijë.
Në sezonin e dytë të serialit dokumentar të Netflix, “At Home With The Fury-s”, Mbreti Cigan, 37 vjeç, ofron një pamje të jetës së tij personale dhe të madhe familjare.
Ai tregon se si boksieri në pension 1.98 m i gjatë dhe gruaja e tij 36-vjeçare po përballen me kapitullin e tyre të ri: Me Venezuela (16 vjeçe), Princein (13 vjeç), Tyson II (8 vjeç), Valencia (6 vjeçe), Adonis (5 vjeç), Athena (4 vjeçe) dhe Rico (2 vjeç).
Për marrëdhënien e tij, Tyson pranon: “Jeta ime dashurore po lulëzon, bëj seks të paktën katër ose pesë herë në javë. Paris, ajo është ajo vajza që të jep një shans për të jetuar ose për të vdekur. Ajo ka qenë gruaja ime për 20 vjet me radhë. A është ajo zonja më me fat në Tokë? 100%”.
Kur bëhet fjalë për të pasur më shumë fëmijë, ai tha: “Mund të kemi një fëmijë tjetër, numrin tetë. Vetëm për të parë nëse e kam ende. Por dua dhjetë. Gjithmonë do të ishin dhjetë.”
Megjithatë, ish-boksieri kampion pranon se nuk ka qenë e lehtë: “Kemi kapërcyer gjithçka, nga A në Zh. Jemi ndarë shumë herë, kemi pasur shumë debate. Ajo iku te nëna e saj për një javë apo dy ose edhe një muaj. Por kur Zoti bashkon një burrë dhe një grua, asgjë nuk mund t’i ndajë.”
Tyson shtoi: “Nëse do t’i thoja Paris se sapo do të vrisja dikë, ajo do të thoshte: Ku dreqin do t’i varrosim?. Ky është lloji i vajzës që është.” Kjo vjen pasi çifti rinovoi betimet e tyre për herë të tretë gjatë pushimeve në Francë.
“U rrita në një shtëpi ku prindërit e mi nuk kishin atë ndjenjë romantike. Prindërit e mi nuk ishin të dashur, nuk i tregonin ndjenjat e tyre dhe nuk thoshin se e donin njëri-tjetrin”, pohon ish-kampioni i botës në peshën e rëndë.
“Kur u martova, doja që unë dhe Paris të bënim gjëra së bashku si çift, sepse unë nuk e kisha atë rritje – jo atë shpresë dhe dashuri”, tha Fury.
Një nga momentet e tyre më të vështira erdhi kur Paris pësoi një abort spontan një javë para se Tyson të luftonte me Oleksandr Usyk. Ndeshja e tij e fundit ishte një humbje unanime ndaj Usyk në Riad në dhjetor 2024.
Paris shpjegoi: “I bëra një FaceTime dhe ai tha: ‘Pse je në spital?’ Unë thashë: ‘Tensioni i gjakut, është mirë’, pastaj e mbylla telefonin dhe shpërtheva në lot. Mora vendimin të mos i tregoja Tyson dhe nuk shkova kurrë në ndeshje.”
Tyson kujtoi: “Një tufë kuajsh të egër nuk mund ta mbante Paris larg një ndeshjeje, kështu që mendova: ‘Po, ajo e ka humbur fëmijën tonë’. Për herë të parë në 20 vjet nuk munda të isha aty për të në kohën që ajo kishte më shumë nevojë”.
“Kjo ishte gjëja më shqetësuese sepse isha në një vend të huaj, gati për të bërë gjënë më të madhe në jetën time dhe doja vetëm të isha në shtëpi për gruan time”, tha Fury.
Paris shtoi: “Ai erdhi në shtëpi dhe me të vërtetë më dukej si diçka nga një film. Tyson ia morën të gjitha rripat, mua më morën këtë fëmijë dhe duhet ta varrosim.”
The post Tyson Fury ndan sekretet e jetës me bashkëshorten Paris: Bëjmë s*ks 4-5 herë në javë, dëshiroj 10 fëmijë appeared first on Telesport.