Tyson Fury dëshiron ta përfundojë sfidën e 11 prillit ndaj Arslanbek Makhmudov me një “nokaut brutal”, për të provuar se është rikthyer në formën e tij më të mirë. Pasi u tërhoq për një vit pas humbjes së tij të dytë ndaj Oleksandr Usyk, Fury po kthehet në boks kundër Makhmudov në stadiumin Tottenham të shtunën.
Ai qëndroi në Tajlandë për pjesën më të madhe të kampit të tij stërvitor për këtë përballje dhe është i bindur se do të rigjallërohet për rikthimin e tij. “Po bëj atë që kam bërë tashmë në të kaluarën, por po sjell në jetë gjëra të ndryshme që nuk i kam bërë kohët e fundit”, tha Fury për mediat.
“Një 37-vjeçar Tyson Fury mund të bëjë atë që një 27-vjeçar Tyson Fury bëri dikur. Dhe kështu po i bashkoj gjërat me të vërtetë. Dua një nokaut brutal ndaj Makhmudov. Do të jetë argëtuese“, shtoi më tej ish-kampioni i botës në peshën e rëndë.
Fury këmbëngul se koha e tij jashtë boksit i ka nxitur më tej motivimin. “Kur fillon, do të fitosh parà, do të blesh një shtëpi. Do të blesh të gjitha këto gjëra. Por pas të gjithave këtyre e bën sepse e do boksin”.
“Jam në një pozicion ku e bëj sepse e dua jo sepse duhet kam nevojë financiarisht. E bëj këtë tani sepse jam i dashuruar me këtë sport. Dhe të kesh 16 muaj jashtë ringut, të kesh një vit larg, më bën edhe më të dashur“, shtoi Fury.
“Është e pabesueshme çfarë mund të arrijë një individ. Individi më i papritur jam unë, djalë i shëndoshë, i ngathët, nga veriu. Kampionët e botës në peshat e rënda nuk janë kurrë nga veriu i Anglisë. Kampion i papritur”, tha Fury.
“Ndryshova yjet e mia, ndryshova jetën time dhe bëra gjithçka që doja të bëja dhe vazhdova ta bëj“, përfundoi Tyson fury.
The post Fury: Dua një fitore me KO ndaj Makhmudov, jam rikthyer sepse e dua këtë sport dhe jo për parà appeared first on Telesport.