“Problemi më i madh për mua është kur njerëzit më ofendojnë se nuk mund të bëj diçka. Ky është problem. Duhet të kihet kujdes se si flitet në shoqëri me fëmijë si unë. Sepse nuk ekziston diçka që ne nuk mund të bëjmë.”
“Nuk shkoja në park me fëmijët e tjerë, jo sepse nuk doja, por sepse nuk më pranuan. Nuk isha i ftuar në ditëlindje dhe sa herë që shikoja fotografi me fytyra të buzëqeshura pyesja veten nëse jam vërtet kaq i ndryshëm për të mos qenë pjesë e botës së tyre. A e dini sa dhemb kur je fëmijë dhe ndihesh i padukshëm?”
Këto janë mesazhet e fëmijëve me zhvillim atipik drejtuar të gjithëve. I dërguan nga Parku i Qytetit në Shkup, nga eventi i shtatë radhazi inkluziv “Miqësia është pasuri”, organizuar nga Shoqata “Autizëm AAMK”. Fëmijët kërkuan që për inkluizionin të mos flitet vetëm sot, sepse inkluzimi është nevojë. Kërkuan që zëri i tyre të dëgjohet nga shoqëria. Deni, 20 vjeçe, kishte edhe një mesazh për institucionet:
“Unë përballen me problemin e regjistrimit. Nuk është problem nevoja për t’u regjistruar në fakultet. Por problemi këtu është se shteti nuk më ka siguruar asistent. Bëj thirrje që kjo të sigurohet, që edhe këta fëmijë një ditë të bëhen ata që duan, sepse ëndrra ime është të bëhem profesoreshë e gjuhës maqedonase dhe ta promovoj gjuhën.”
Sipas organizatorëve të eventit, ka ende shumë probleme dhe nevojitet shumë punë.
“Fatkeqësisht ende ka diskriminim, ende ka refuzim, tregim me gisht, largim në anën tjetër të rrugës. Megjithatë, evente si ky, shpresoj që të ketë shumë më tepër të tillë, thjesht shoqërime ku do të tregohet se personat me zhvillim atipik dhe personat me zhvillim tipik thjesht duhet të jenë bashkë”, tha Denis Jankulovski – Shoqata “Autizëm AAMK”.
Ata bënë thirrje që shteti të dëgjojë zërin e prindërve, sepse ata më mirë se kushdo dinë çfarë u nevojitet vërtet atyre dhe fëmijëve të tyre.