Nga Ministria e Punëve të Brendshme kanë dalë me njoftim lidhur me gruan e vdekur në fshatin Kopanicë të Shkupit.
– Më 19.05.2026 në fshatin Kopanicë të Shkupit, duke vepruar sipas një denoncimi paraprak, zyrtarët policorë nga SPB Shkup kanë gjetur të vdekur H.R.J. (37) nga Kosova, me plagë nga arma e zjarrit në kokë, ndërsa pranë trupit është gjetur një pistoletë „Glock 19“, pronë e bashkëshortit të saj D.J. (42) nga fshati Kopanicë, të cilën ai e posedonte pa leje.
Sipas dëshmisë së D.J., po atë ditë rreth orës 10:00, në shtëpinë familjare ka pasur një zënkë mes tij dhe bashkëshortes së tij H.R.J., pas së cilës, sipas fjalëve të tij, ajo ka kryer vetëvrasje, informuan nga policia.
Për armën, ndaj D.J. është ngritur kallëzim penal për shkak të veprës penale të kryer „prodhim, mbajtje, ndërmjetësim dhe tregtim i paautorizuar i armëve ose lëndëve shpërthyese”, sipas nenit 396 të Kodit Penal.
– Sa i përket personit të vdekur, me urdhër të prokurorit publik, trupi është dërguar për obduksion. SPB Shkup, nën udhëzimet e Prokurorisë Themelore Publike Shkup, po ndërmerr edhe masa e aktivitete të tjera për zbardhjen e plotë të rastit, thonë nga MPB.