Turqia e nisi keq botërorin amerikan, pasi u mund 2-0 nga Australia, një rezultat disi surprizë, pasi ballkanasit konsideroheshin favoritë. “Pësuam gola nga topa të gjatë, gola që nuk duhej të kishin ndodhur”, tha Hakan Calhanoglu.
“Në përgjithësi e kontrolluam ndeshjen, por nuk arritëm t’i shndërronim rastet tona në gol. Tani, gjëja e rëndësishme është ta harrojmë këtë ndeshje dhe të presim me padurim ndeshjet e ardhshme. Ndonjëherë ndihmon të rikthehesh në këmbë, e dimë këtë“, shtoi mesfushori turk.
Më tej, Calhanoglu shtoi: “Nuk e kemi humbur shpresën vetëm sepse humbëm një ndeshje dhe nuk do ta humbasim. Jemi një ekip që gjithmonë di si të rikuperohet. Pas ndeshjes, u përpoqa ta motivoja ekipin. Duhet të përqendrohemi dhe të luajmë me disiplinë”.
“Çdo detaj është i rëndësishëm gjatë një ndeshjeje. Gjithçka mund të ndryshojë në një sekondë. Me golin e parë, ndërsa po sulmonim, papritmas e gjetëm veten me topin në portën tonë. Duhet t’i kushtojmë vëmendje gjithçkaje. Duhet të mësojmë nga gabimet tona“, tha mesfushori Calhanoglu.
The post Calhanoglu: Ndonjëherë është e rëndësishme të pësosh një goditje për t’u ringritur appeared first on Telesport.