Kylian Mbappe po shkëlqen me Francën këtë Botëror. Sulmuesi ka shënuar 8 gola dhe ka dhënë 3 asiste deri para gjysmëfinales së sotme. Mbappe vjen pas një sezoni të vështirë te Real Madrid, ku mori shumë kritika dhe u konsiderua si fajtori kryesor që klubi nuk fitoi dot trofe. Madje, pati edhe një peticion online me mbi 97 milionë njerëz që kërkonin largimin e tij nga klubi madrilen.
Ish-kampioni i Europës dhe Botës me Francën, Christophe Dugarry, i ka dalë në mbrojtje Kylian Mbappe, duke u shprehur se ndoshta është faji i Real Madridit dhe jo lojtarit.
“Ata janë idiotë. Nuk e di nëse ata tifozë që flasin për Mbappe janë mbajtës të biletave sezonale dhe shkojnë në ndeshje. Të thuash se me 42 gola në 44 ndeshje është faji i tij që Real Madridi nuk fiton asgjë më duket krejtësisht e papranueshme.
Gjithmonë mund të presësh që një lojtar të luajë më mirë, por çfarë do të thotë ‘të luash më mirë’ kur ke shënuar 42 gola në 44 ndeshje? Nëse spanjollët duan të kritikojnë Mbappen, ata duhet të kritikojnë edhe Bellinghamin, Viniciusin dhe të gjithë lojtarët që morën pjesë në Kupën e Botës dhe që luajnë shumë më mirë për ekipet e tyre kombëtare. Dhe nëse të gjithë luajnë më mirë për ekipet e tyre kombëtare, atëherë problemi qëndron më shumë te Real Madridi”, tha Dugarry.
The post “Ata janë idiotë, problemin e ka Real Madrid”, ish-sulmuesi i Barcelonës dhe Milanit i del në mbrojtje Mbappe-së appeared first on Telesport.