Ministria e Shëndetësisë njofton se situata epidemiologjike në Gostivar mbetet stabile dhe po monitorohet nga institucionet shëndetësore. Gjatë 1 gushtit janë regjistruar 57 kontrolle të para, tre më pak se një ditë më herët, ndërsa nuk ka pasur hospitalizime të reja.
Deri më tani janë evidentuar 1.041 raportime zyrtare për sëmundje infektive dhe janë kryer 734 anketa epidemiologjike. Ndërkohë, nga Instituti i Shëndetit Publik nuk janë raportuar raste të reja të konfirmuara laboratorikisht me ethet e Nilit Perëndimor. Ministria thotë se monitorimi i situatës do të vazhdojë edhe në ditët në vijim.