Barcelona ka mbyllur transferimin e Gabriel Jesus, sulmuesit të Arsenalit, për 10 milionë euro. Operacioni erdhi në befasi, pasi gjithçka tregonte se klubi nuk do të merrte sulmues, pas dështimit për të afruar Julián Álvarez, për shkak të refuzimit të Atlético Madridit për të negociuar. Nuk është hera e parë që Gabriel Jesus ishte në radarët e Barcelonës.
Barça e vëzhgoi që në vitin 2016, kur ai spikaste te Palmeiras. Drejtori sportiv i atëhershëm, Robert Fernández, udhëtoi në Brazil për ta parë nga afër. Konkurrenca europiane ishte e madhe.
Barcelona përdori edhe kartën “Neymar”. Të dy ishin pjesë e kombëtares braziliane që do të merrte pjesë në Lojërat Olimpike të Rios. Neymar bisedoi me Gabriel Jesus për ta bindur të transferohej te Barça.
“Neymar e di çfarë do të thotë të jesh i ri dhe të të duan disa klube europiane. Më foli për Barcelonën, qytetin dhe më tha se klima ishte e ngjashme me Brazilin. Më bëri të dyshoja, por kuptova se mund të shkoja te një tjetër klub i madh me më shumë mundësi për të luajtur”, – tregoi ai për “The Sun”.
Ai klub ishte Manchester City. Telefonata e Pep Guardiolës vendosi gjithçka: “E kuptova se City ishte vërtet i interesuar për mua pasi fola me Pep në telefon”. Kështu, mundësia e Gabriel Jesus te Barcelona u mbyll. Tani, 10 vite më vonë, ajo derë është hapur sërish.
The post 10 vite më vonë u bë realitet; dita kur Neymar tentoi të transferonte Gabriel Jesus te Barça appeared first on Telesport.