Duke folur nga grumbullimi i kombëtares së Belgjikës para ndeshjes kundër Italisë, Kevin De Bruyne diskutoi edhe për sezonin e ri me Napoli dhe merkaton: “Nuk e kam marrë kurrë në konsideratë idenë e largimit nga Napoli këtë verë”, tha mesfushori belg.
“Nuk kam folur me askënd për këtë. Sa i përket nisjes së sezonit, mendoj se niveli im është i mirë. U habita nga forma ime që në muajin gusht. Nëse vazhdoj kështu, do të jetë fantastike për mua”, shtoi De Bruyne.
Më tej, ai tha: “Sigurisht, është ndryshe nga kulmi im i dhjetë viteve më parë, por mendoj se kjo është normale. Ndihem shumë mirë. Nuk luajta në çdo ndeshje në fillim të sezonit, por së fundmi kam luajtur 90 minuta të plota tri herë.”
Më pas, për të ardhmen e tij me kombëtaren: “I thashë Van Bommel se jam këtu për të ndihmuar. Ndihem mirë mendërisht dhe fizikisht ndaj doja të vazhdoja. Shumë lojtarë më kërkuan të qëndroja. Nuk dua të mendoj shumë për të ardhmen tani, por për mua, kjo nuk ka qenë kurrë problem.”
The post De Bruyne: Nuk kam menduar kurrë largimin nga Napoli, nëse vazhdoj kështu do të jetë një vit i shkëlqyer appeared first on Telesport.