Carlo Ancelotti i ka dalë edhe njëherë tjetër në mbrojtje Vinicius Junior, i cili nuk po kalon aspak një moment të mirë në karrierën e tij. Ancelotti e ka pranuar qe sulmuesi nuk është në formën e tij më të mirë për momentin, por nuk duhet vënë në dyshim cilësia e tij.
“Ai mund të mos jetë në formën e tij më të mirë për momentin, por cilësia e Vinicius është e padiskutueshme. Për shembull, ai bëri një paraqitje të shkëlqyer në Kupën e Botës. Si lojtar, askush nuk mund të jetë në formë maksimale gjatë gjithë kohës”, tha Ancelotti në një intervistë të fundit për Times of India.
“Ai është një lojtar i mrekullueshëm, ndër më të mirët në botë. Jam i sigurt se do të jetë në formën e tij më të mirë në ndeshjet e ardhshme. Besimi im tek ai është i plotë”, shtoi Ancelotti.
The post Ancelotti i del në mbrojtje yllit të Brazilit: Nuk është në formën e tij më të mirë, por cilësia e tij… appeared first on Telesport.