“Ka diçka të shkruar për mua në këtë qytet dhe në këtë stadium, ku edhe kam debutuar dhe shënuar golin tim të parë. Ishte një emocion i vështirë për t’u shpjeguar”. Kështu, Riccardo Calafiori komentoi për “Rai” fitoren e Italisë ndaj Turqisë në “Nations League”.
“Reaguam në mënyrën e duhur. Ishte një ndeshje ndryshe nga ajo në Turqi. Në disa momente turqit na befasuan, por në fund mendoj se e merituam fitoren”, – shtoi mbrojtësi i Arsenalit, i cili foli edhe për filozofinë e re të skuadrës axurre: “Kemi një ide kolektive, proaktive, ashtu siç më pëlqen mua. Për tri ditë nuk mund ta shohësh menjëherë idenë e trajnerit, por pak nga pak po punojmë. Nuk i kemi zgjidhur të gjitha, por jemi në një pikë të mirë. Tani do të shkojmë të luajmë dy ndeshje të forta me Francën dhe Belgjikën”.
Për golat, Calafiori tha: “Sezonin e kaluar pata fat të keq, sepse mund të kisha shënuar më shumë. Shifrat më interesojnë, por rëndësi ka kontributi që mund t’i jap skuadrës. E rëndësishme është të jem mirë”.
The post Calafiori: Kemi një ide loje kolektive tek Italia aktuale, jemi në rrugën e duhur appeared first on Telesport.