Ekziston një mundësi e madhe që Kimi Antonelli të shpallet kampion bote për pilotë në Formula 1 të dielën e ardhshme, në garën e Meksikës. Është vetëm çështje kohe para se piloti i Mercedes të fitojë kurorën e kampionit në sezonin e tij të dytë në F1.
Kohët e fundit kanë lindur pyetje se cilin numër gare mund të zgjedhë Antonelli për sezonin 2027. Përgjigjen e dha vetë ai në një intervistë për ‘Blick’: “Së pari, duhet të bëj detyrën time në Meksikë, por mendoj se do të vazhdoj të garoj me numrin 12.”
Pra, Italia do të duhet të presë edhe pak më gjatë për të parë një nga pilotët e saj në pistë me numrin 1. Italiani i fundit që e ka bërë këtë ishte Ludovico Scarfiotti në Monza, në vitin 1966, në një kohë kur numrat e garës caktoheshin nga organizatorët.
Që nga viti 1974, rregullorja e rezervon numrin 1 ekskluzivisht për kampionin aktual të botës. Pse numri 12? Siç ka shpjeguar Andrea Kimi Antonelli, lidhja e tij me numrin 12 është domethënëse.
Ajo lidhet, para së gjithash, me Ayrton Senna, i cili e përdori këtë numër gjatë periudhës së tij te Lotus dhe McLaren. Por, është gjithashtu numri që ai mbante kur u ul për herë të parë në një makinë në Formula 4.
The post Numri 1 apo 12 sezonin tjetër me Mercedes? Ja vendimi që merr Kimi Antonelli për të ardhmen appeared first on Telesport.