Për të gjetur një fillim më të dobët të sezonit në Serie A për Juventus sesa ai i këtij viti, duhet të kthehemi katër vite pas, në sezonin 2022/23, viti i dytë i rikthimit të Massimiliano Allegri. Në atë kohë, ata kishin 13 pikë pas 9 javësh, një më pak se 14 pikët që bardhezinjtë kanë tani.
Duket si një ‘deja vu’, pasi që në tetor, Juventus praktikisht i ka shuar ëndrrat për titullin kampion, duke qenë se kreu i renditjes është 11 pikë larg dhe rrezikon seriozisht kualifikimin në Champions League. Vendi i katërt është aktualisht gjashtë pikë larg.
Kjo është arsyeja pse Juventus nuk mund të lejojë më asnjë gabim, përfshirë këtu edhe çështjen e trajnerit. Pozicioni i Luciano Spalletti nuk është më i sigurt. Pavarësisht zgjatjes së kontratës këtë verë dhe garancive të zakonshme publike se pozicioni i tij nuk është kurrë në dyshim, diçka është thyer qartazi brenda klubit, si dhe në marrëdhënien mes Spalletti dhe skuadrës.
Nëse ai largohet, kandidati kryesor për ta zëvendësuar është Antonio Conte. Trajneri është zgjedhja e parë e Carnevali. Disa kanë sugjeruar madje se një marrëveshje mes palëve është pranë, një pretendim që është mohuar prerazi nga drejtuesit bardhezinj.
Sot, një rikthim i Conte te Juve nuk është më ai skenar i pamundur dhe utopik që dukej vetëm pak muaj më parë. Ndonëse rruga është e ndërlikuar, mundësia ekziston. Gjithçka do të varet nga tri ndeshjet e ardhshme. Presioni për të pasur sukses, duke mos lënë hapësirë për dështim, rëndon si mbi Spalletti ashtu edhe mbi Juventus.
Në rrjetet sociale, shumë tifozë juventin kërkojnë rikthimin e Conte, ndërsa të tjerë nuk ia kanë falur të kaluarën e tij të afërt. Ka edhe nga ata që nuk e shohin atë si zgjidhjen për problemet e klubit, të cilat janë shumë më të thella sesa thjesht zgjedhja e trajnerit kryesor.
The post Spalletti ka 10 ditë kohë për të shpëtuar vendin te Juventus, klubi ka zgjedhur Conte si pasuesin e tij appeared first on Telesport.