Pas më shumë se tri dekadash pritjeje, Hungaria po përballet me një nga kapitujt më të errët të historisë së saj. Nga sot, qytetarët mund të kërkojnë në një bazë të dhënash digjitale emrat dhe dosjet e rreth 50.000 deri në 60.000 personave që kanë bashkëpunuar me policinë sekrete gjatë regjimit komunist.
Nisma është ndërmarrë nga kryeministri Peter Magyar, i cili ka shtyrë miratimin e ligjit që mundëson qasje të pakufizuar në këto dokumente.
Arkivat pritet të hedhin dritë mbi mënyrën se si funksiononte aparati represiv dhe kush informonte autoritetet për qytetarët gjatë asaj periudhe.
Një pjesë tjetër e dokumenteve, që përmban të dhëna më të hollësishme për rreth 9.000 bashkëpunëtorë, pritet të publikohet në shkurt.
Sipas vlerësimeve, policia sekrete kishte angazhuar rreth 150.000 informatorë gjatë katër dekadave të regjimit komunist, por janë ruajtur dokumente vetëm për një të tretën e tyre.