Ndarja mes modeles Joana Sanz dhe ish-futbollistit Dani Alves duket përfundimtare. Çifti, i martuar që prej vitit 2017 dhe prindër të një vajze, Julieta, ka nisur procedurat e divorcit. Sanz është kthyer në Tenerife, vendlindjen e saj, dhe po shet disa nga sendet e brazilianit.
Modelja shpërtheu në Instagram pas deklaratave të Alves, i cili tha se njohja me Jezusin në burg i kishte ndryshuar jetën.
“Çfarë paturpësie të thuash publikisht se të vetmin që pate pranë ishte Jezusi! Unë e mbajta të ndrydhur dhimbjen time, sepse mendoja se ti ishe në një situatë më të vështirë”, – shkroi ajo.

Më tej, Sanz tregoi sakrificat e bëra: “Të vizitova, kalova Krishtlindjet me ty në vend që të isha me familjen time dhe shpenzova paratë e mia për të paguar faturat dhe borxhet e tua”.
Në fund, ajo e akuzoi për mosmirënjohje: “Unë isha pranë teje kur të gjithë të kthyen shpinën, ndërsa ti ma shpërblen me mosmirënjohje publike. U vonova ta kuptoja, por më mirë vonë se kurrë”.

The post Joana Sanz shpërthen ndaj Dani Alves: Shtypa dhimbjen time, shpenzova paratë e mia për të paguar faturat dhe borxhet e tua appeared first on Telesport.
