Një aksident i rëndë ka ndodhur sonte në aksin Tetovë – Gostivar, në afërsi të daljes për në Kamjan. Sipas informacioneve nga vendngjarja mesojmë se në aksident janë përfshira disa makina.
Në ndërkohë na arriti edhe një njoftim MPB.
Njoftimi i policisë
Sonte 01.11.2024 në ora 20:15 në SPB Tetovë është raportuar se në autostradën Tetovë – Gostivar ka ndodhur një aksident trafiku në mes të automjetit të udhëtarëve “Mercedes” me targa të Shkupit, i drejtuar nga një e mitur nga Reçica e Madhe e Tetovës dhe veturë “Dacia” me targa turke, e drejtuar nga M.B.(53) nga Gostivari. Në aksident ka mbetur i plagosur rëndë shoferi M.B. ndërsa shoferja e mitur e veturës Mercedes dhe pasagjerja gjithashtu një e mitur nga Treboshi i Tetovës, kanë pësuar lëndime trupore të cilat janë konstatuar në Spitalin Klinik të Tetovës. Kontroll në vendngjarje ka kryer një ekip nga SPB Tetovë.
