Më 15 korrik, pasi Kina njoftoi zyrtarisht se ekonomia u rrit me 5.3% në gjysmën e parë të këtij viti, Tetsuro Homma, zv/President Global i kompanisë Panasonic u shpreh për CMG-në: “Arritja e rezultateve të tilla në rrethana të vështira, dëshmon më tej qëndrueshmërinë e ekonomisë kineze. Panasonic do të vazhdojë të thellojë rrënjët e saj në Kinë dhe të kontribuojë në transformimin e ekonomisë së Kinës drejt një zhvillimi me cilësi të lartë.”
Në sistemin global ekonomik, ky “5.3%” tregon një nivel të lartë. GDP e Kinës u rrit me 5% në gjysmën e parë të vitit të kaluar dhe për të gjithë vitin. Këtë herë të dhënat janë padyshim të qëndrueshme dhe në rritje; kjo normë rritjeje renditet ndër më të lartat midis ekonomive të mëdha në botë, duke vazhduar trendin në rritje. Reuters dhe media të tjera të huaja theksuan se nuk është e lehtë për ekonominë e Kinës të arrijë rezultate të tilla në gjysmën e parë të vitit, nën presionin e ngadalësimit të rritjes ekonomike globale dhe luftës tregtare, që ka dëmtuar rëndë rendin ekonomik dhe tregtar ndërkombëtar. Kohët e fundit, shumë organizata ndërkombëtare kanë rritur pritshmëritë e tyre për rritjen ekonomike të Kinës. Investitorët e huaj kanë shtuar blerjet e tyre në aksionet A, të cilat theksojnë besimin e të gjitha palëve mbi ekonominë kineze.
Përveç të dhënave të rritjes ekonomike, punësimi, çmimet dhe bilanci ndërkombëtar i pagesave janë gjithashtu tregues të rëndësishëm për performancën ekonomike. Që nga fillimi i këtij viti, papunësia në Kinë ka qenë e balancuar dhe çmimet kanë qenë në një nivel të ulët; IÇK-ja u bë pozitive në qershor, duke u rritur me 0.1%; Bilanci i pagesave ndërkombëtare ka qenë i balancuar dhe rezervat valutore kanë mbetur mbi 3.2 trilion dollarë amerikanë
Në të njëjtën kohë, zhvillimi i produktivitet inovativ dhe cilësor është përshpejtuar. Në gjysmën e parë të vitit, vlera e shtuar e industrive të teknologjisë së lartë u rrit me 9.5%. Një numër i madh i arritjeve inovative dhe integrimit industrial nxitën zhvillimin e industrive të ngjashme. Kompania Geely International tha për CMG-në se bazuar në paraqitjen inteligjente globale AI, në gjysmën e parë të vitit shitjet globale të Geely Automobile u rritën 47% krahasuar me vitin e kaluar.