Parlamenti i Izraelit aprovoi me lexim të parë projektiligjin që vendos dënimin me vdekje për personat që vrasin qytetarë izraelitë.
Amendamenti në kodin penal, i propozuar nga Ministri i Sigurisë Kombëtare i ekstremit të djathtë, Itamar Ben-Gvir, u miratua me 39 vota pro dhe 16 kundër në Knessetin me 120 anëtarë të hënën, duke sinjalizuar se ka mbështetje nga qeveria e kryeministrit, Benjamin Netanyahu.
Sipas legjislacionit të prezantuar, kushdo që me dashje ose nga pakujdesia shkakton vdekjen e një qytetari izraelit me motiv racizmi ose urrejtjeje kundër publikut dhe me qëllim dëmtimin e shtetit të Izraelit, do të marrë automatikisht dënimin kapital.
Për mediat e huaja megjithatë, një formulim i tillë lë të kuptohet se dënimi me vdekje është i zbatueshëm për çdo palestinez që vret një izraelit, por jo edhe nëse një izraelit vret një palestinez.
Përpjekjet për të futur këtë legjislacion të ngjashëm kanë dështuar në të kaluarën. Ndërkohë, projektligji aktual duhet të kalojë një lexim të dytë dhe të tretë përpara se të bëhet ligj.
Në një deklaratë nga Komiteti i Sigurisë Kombëtare thuhet se: “Qëllimi i këtij projektiligji është të shkatërrojë terrorizmin në rrënjë dhe të krijojë një pengesë të fuqishme për zhvillimi e tij”.