Euroobligacion një miliard euro! Ministrja tejet e kënaqur nga normat e interesit, 700 milionë tashmë u shpenzuan

Për më pak se 24 orë, shteti mori borxh një miliard euro me një euroobligacion të ri dhe menjëherë shleu 700 milionë euro nga euroobligacioni i marrë në vitin 2020. Ky “sprint” për shlyerjen e borxhit të vjetër, i cili do të skadonte në qershor të këtij viti, ka për qëllim kursime, të cilat më pas do të mbulojnë një pjesë të kostos për lëshimin e euroobligacionit të ri. Euroobligacioni i ri, dhe pjesërisht tashmë i shpenzuar, është ndarë në dy pjesë, me afate të ndryshme skadimi.

500 milionë euro do të kthehen brenda katër vjetësh me normë interesi vjetore 3.875%, ndërsa 500 milionë euro të tjera do të kthehen brenda tetë vjetësh, me normë interesi vjetore 4.75%. Për ministresha e Financave, normat e interesit të arritura dje janë një sukses jashtëzakonisht i mirë për shtetin në tregjet financiare ndërkombëtare.

 “Kjo strukturë lejon shpërndarjen optimale të detyrimeve në mes dhe afat të gjatë, si dhe uljen e mëtejshme të rreziqeve që lidhen me rifinancimin. Është veçanërisht e rëndësishme që arritëm të plasojmë një obligacion tetëvjeçar, një skadim që nuk është arritur prej më shumë se 20 vjetësh. Kjo përbën një sinjal të fortë për besimin e investitorëve ndërkombëtarë në politikat ekonomike, agjendën reformuese dhe stabilitetin e vendit”, tha Gordana Dimitrieska-Koçoska, ministre e Financave.

Përveç normave të interesit, të cilat janë jashtëzakonisht të mira dhe me marzh historikisht të ulët, gjë që do të thotë se shteti do të paguajë më pak mbi EURIBOR-in vjetor, për ministren i mirë është gjithashtu fakti që për herë të parë tek obligacioni tetëvjeçar si blerës ka dalë një nga fondet më të mëdha pensionale në SHBA. Kjo, si dhe numri i madh i investitorëve të njohur, për Dimitrieska-Koçoskan është tregues që obligacioni do të shitet më rrallë në tregun dytësor.

Megjithatë, sot në konferencën për media u bë e ditur se këtë vit do të duhet të kthehen borxhe të vjetra prej 1 miliard e 563 milionë euro, ndërsa gjatë pesë viteve të ardhshme, duke përfshirë vitin 2026, duhet të shlyhet borxh prej tetë miliard e 804 milionë euro, që është mbi 2 miliardë euro më shumë se sa ishte parashikuar në mes të vitit të kaluar. Për ministren, nuk ka ndonjë rritje misterioze të detyrimeve.

 “Ne kemi vetëm më shumë se dy miliard kredi të aprovuara, të cilat ende nuk janë lëshuar. Kredi të aprovuara në 2019, 2018, me realizim të dobët, por ato marrëveshje nuk janë ndërprerë. Dhe tani i parashikojmë në këtë periudhë sipas dinamikës. Nëse në strategjinë fiskale të mëparshme nuk mund të ishim parashikuar ato sepse realizimi ishte më i ulët, tani në këtë strategji fiskale i kemi parashikuar. Ato ndryshojnë strukturën”, theksoi Dimitrieska-Koçoska.

Sipas informacionit, gjatë këtij viti planifikohet një huamarrje tjetër në tregun ndërkombëtar për të mundësuar shlyerjen e të gjitha detyrimeve të marra dhe të skaduara. Deri më tani, Maqedonia ka lëshuar 10 euroobligacione.

Euroobligacionet e deritanishme: