Një lindje pas 34 vitesh – një arsye e madhe për festë në një nga ishujt më të vegjël të Skocisë.
Në ishullin e largët North Ronaldsay, në arkipelagun Orkney, ka ardhur në jetë një foshnjë, për herë të parë pas më shumë se tri dekadash.
Duncan Wilder Thorstein Traill Suarez Ford lindi më 15 shtator dhe është foshnja e parë e lindur në ishull në 34 vitet e fundit.
Nëna e tij, Alice Traill Ford, kishte planifikuar që lindja të bëhej në Kosta Rikë, por planet ndryshuan sapo familja mbërriti në North Ronaldsay.
Ajo tha se vendosi ta sjellë në jetë djalin në ishull, të cilin familja e saj e ka lidhur me historinë e saj prej brezash.
North Ronaldsay është ishulli më verior i arkipelagut Orkney. Ai është vetëm rreth tre milje i gjatë dhe dy milje i gjerë.
Sipas të dhënave të qeverisë skoceze, në vitin 2024 ishulli kishte 72 banorë. Sot, sipas nënës së foshnjës, aty jetojnë rreth 51 persona.
Lindja ka sjellë gëzim te banorët e paktë të ishullit, të cilët e kanë pritur ardhjen e Duncan-it si një ngjarje të veçantë.
Nëna e tij tregoi se për të festuar me banorët, shpërndau edhe shishe të vogla uiski të dekoruara.
Një foshnjë e vetme, por një festë për një komunitet të tërë.